الشهيد العقيد يوسف الجادر - قائد الاركان العسكرية في لواء التوحيد

الشهيد العقيد يوسف الجادر - أبو فرات 

قائد الاركان العسكرية في لواء التوحيد
قائد عملية تحرير مدرسة المشاة

ريف حلب | مدينة جرابلس

بعد تحرير كلية المشاة في المدخل الشمالي لمدينة حلب بتاريخ 15/12/2012، انتقل الثوار لتحرير معسكر التدريب الجامعي خلف الكلية، حيث كانت توجد دبابات. أثناء المعركة، استشهد العقيد يوسف وعدد من رفاقه بسبب قصف مدرعة BMB.

العقيد يوسف الجادر، المعروف بشجاعته، انشق عن جيش النظام السوري سابقًا برتبة مقدم، حيث كان قائدًا للواء مدرعات، وانضم إلى المعارضة المسلحة. تم ترفيعه إلى رتبة عقيد من قبل قيادة لواء التوحيد والمجلس العسكري الثوري بحلب. شارك في تحرير عدة أحياء بارزة بحلب، مثل حي صلاح الدين ومدرسة المشاة، وقاد معارك مهمة أبرزها معركة "ثوار الخنادق". استشهد بعد تحرير مدرسة المشاة ونال شرف الشهادة.

 

مدرسة المشاة أصبحت كلية الشهيد العقيد يوسف الجادر:

أعلن لواء التوحيد الذي قادة معركة تحرير مدرسة المشاة بحلب، تسمية المدرسة باسم أحد قادته العقيد يوسف الجادر.
الجادر"أبو فرات" استشهد أمس السبت، وترك خبر استشهاده حزناً عميقاً في أوساط واسعة من المدنيين والعسكريين في حلب وغيرها بحسب نشطاء. وأصبح الاسم الرسمي للمدرسة "كلية الشهيد العقيد يوسف الجادر".

The Syrian Revolution 2011 الثورة السورية ضد بشار الاسد :

سنذكـــرك كلنـــــا يــــا أبــــو فــرات ... سنذكـــر شجـــاعتك .. ونبــرة صــوتك القـــويّــة وأنـــت تقســــم بأنك ورفاقك ستحررون مدرسة المشاة من عصابات بشار المجرمة.

سنذكـــرك كلنـــــا يــــا أبــــو فــرات وأنت تقول بأخر ساعة من حياتك أنك تحزن لرؤية أي ضحية سواء من جيشنا الحر أو من العصابة الأسدية لأنهم كلهم ضحايا المجرم بشـــار

سنذكـــرك كلنـــــا يــــا أبــــو فــرات ... ونذكر ثقتك بنصر من اللـــه يصبه على أبطال الجيش الحر وأن مدرسة المشــاة ستتحرر خلال 24 ساعة .

رحمـــك اللــــــه يا ابن جــرابلـــس الأبيّــــة .. رحمك الله أيهــــا البطــــل ورحم الله كل شهــداء الجيش الحر

بقلم ابنه : أحمد يوسف الجادر:

اخر زيارة لابي رحمه الله ويوم طلعتوا على اخر معركة ،، وهي معركة ثوار الخنادق (مدرسة المشاة) ..

عند الساعه السابعة صباحا تقريبا كان الجو برد ومطر نزلت شغلت السيارة وعم اتفحصها قبل ما ينزل ابي ،، تأكدت منها وطلعت قلتلوا جاهزه، نزل ونزلت معه سلمت عليه وبست ايدو ،، طلع بالسيارة وطلع معه شباب راحين معه ،، مشت السيارة وبلشت تبتعد وانا عم ودعه ،، وقتها ما بعرف احساسي بس يلي بتذكره كانت اول مرة بودعه وبظل عم شوفه وهو رايح ..

رجعت عالبيت كملت نومتي تقريبا الساعه ١٠ الصبح بيندق الباب وجاي شب اسمه شمسو الشخص المحبوب لقلب ابي ،، قلي وين عمي ابو فرات قلتلوا راح زعل وقال ليش ما اخذني قلتلوا انت عم تجهز حالك بدك تتزوج لهيك ما اخذك قلي ما رح اتزوج عمي ابو فرات مو هون وقلي انا رح اطلع لعندهم ،، الساعه ٢ اجا ودعني وراح ..

١٣ /١٢ / ٢٠١٢ كنت بالسوق واجاني خبر استشهاد شمسو القلب الحنون الطيب البشوش والمعروف بجرابلس ،، وقتها انهاريت وتعبت وصلت الجنازة وطلعنا وزفينا العريس الى مثواه الاخير وصرت اسال الشباب ابي شو عمل وقت استشهد شمس خبروني انه نزل على رجليه وصار يبكي وانقهر كتير عليه ..

١٥ /١٢ / ٢٠١٢ اليوم الذي حرمني من ابي ..

الدنيا بلشت تعتم الجو كان بارد كتير وقتها الناس تتوافد لعنا عالبيت ويسألو عن ابي وقلنالهم انه ما حكا معنا لسا ،، صرت شك وحسيت في شي بجيت الناس لعنا طلعت عالحارة شفت ناس كتير سمعتهم عم يقولوا استشهد ابو فرات وين رح نبني بيت العزا وانا قلهم ابي مامات هي تمثيليه ليخدع النظام وعملها قبل ما كنت صدقهم وانا قلهم هي تمثيليه وخبروني انو اهدى في كذا حدا طلع على حلب يتأكدوا ويخبرونا .. هديت وقعدت لحتى وصل الشهيد على البلد وبلش اطلاق النار واصوات الناس والسيارات ما كنت صدق ابي مات ابي مات صرت اركض بالشارع ونادي يا بابا وينك وينك يا بابا انت وعدتني ترجع بس ما وعدتني ترجع مستشهد بعدها ما بذكر التفاصيل لانو ما كنت واعي يلي صار معي ..

ابكيك يا ابي كل يوم وابكيه لوطني ما حله به من بعدك ،، كم نفتقد لمثلك في هذه الايام ..

ستبقى نبراس شامخ وعلم نرفع فيه اسمك بثورتنا اليتيمة والملتقى الجنة ان شاء الله ..

اشتقنالك يا ابي يا ابا الفرات ..

بيان من قائد عملية تحرير المشاة بتحرير الكلية

https://www.youtube.com/watch?v=0h0iEZYtHuU

 15/12/2012

العقيد ابو فرات - قائد معركة تحرير المشاة قبل استشهاده بدقائق 15-12

http://www.youtube.com/watch?v=TQeEUhzcS_o

 

كلمة قوية للعقيد أبو فرات للطائفة العلوية قبل استشهاده
http://www.youtube.com/watch?v=1qeUf_7MJhQ

جثمان الشهيد البطل يوسف الجادر أبو فرات

http://www.youtube.com/watch?v=wfa9VYOjMLs

شبكة أخبار حلـــب وريفهــا A.R.N.N

__PRESENT